Griñán, novo Presidente de Andalucía

Hoxe tomou posesión do cargo de Presidente de Andalucía, José Antonio Griñán, o ata fai pouco, vicepresidente segundo pasa a ser Presidente da Xunta de Andalucía para substituír a Manuel Chaves que agora ocupa o cargo de vicepresidente terceiro e ministro de Cooperación Territorial.
No acto estiveron presente tanto Manuel Chaves como Bibiana Aído (ministra de igualdade).
O novo goberno será de quince concelleiros, dos cales nove deles serán mulleres.
O ata o de agora Secretario Xeral de Economía, Antonio Ávila, substituirá a Gaspar Zarrias na Consellería da Presidencia.
Carmen Martínez Aguayo, Viceconcelleira ata hoxe, pasa a ser Concelleira de Economía e Facenda.
Aguilera, Concelleira de Gobernación pasa a Concelleira de Agricultura e Pesca e deixa ao fronte de Gobernación a Luís Pizarro.
De Agricultura e Pesca sae Martín Soler, para ocuparse da Concellería de Innovación, Ciencia i Empresa e substituíndo a Francisco Vallejo.
Mar Moreno volve, ao fronte da Concellería de Educación, substitúe a Teresa Jiménez.
No lugar de Evangelina Naranjo, a nova Concelleira de Xustiza e Administracións Públicas será Begoña Alvárez.
E finalmente o mais destacable de todos os cambios é a incorporación a este goberno, da ata o momento, alcaldesa de Córdoba, Rosa Aguilar encargada da Concellería de Obras Públicas e Transportes substituíndo a Luís García Garrido.
O resto de concellerías permanecen sen cambios.
As concellerías quedan de esta forma:
1. Antonio Ávila Cano (Concelleiro de Presidencia)
2. Luís Pizarro Medina (Concelleiro de Gobernación)
3. Carmen Martínez Aguayo (Concelleira de Economía e Facenda)
4. María del Mar Moreno Ruíz (Concelleira de Educación)
5. Begoña Álvarez Civantos (Concelleira de Xustiza e Administracións Públicas)
6. Martín Soler Márquez (Concelleiro de Innovación, Ciencia e Empresa)
7. Rosa Aguilar Rivero (Concelleira de Obras Públicas e Transportes)
8. Antonio Fernández García (Concelleiro de Emprego)
9. María Jesús Montero Cuadrado (Concelleira de Saúde)
10. Clara Aguilera García (Concelleira de Agricultura e Pesca)
11. Juán Espadas Cejas (Concelleiro de Vivenda e Ordenación do Territorio)
12. Luciano Alonso Alonso (Concelleiro de Turismo, Comercio e Deporte)
13. Micaela Navarro Garzón (Concelleira de Igualdade e Benestar Social)
14. Rosa Torres Ruíz (Concelleira de Cultura)
15. Cinta Castillo Jiménez (Concelleira de Medio Ambiente)

Desde aquí deséxolle sorte nesta nova etapa para Griñán, para o seus Concelleiros e para toda Andalucía, que desde logo, xa contaba cun moi bo presidente, pero estou segura de que este novo goberno tampouco decepcionará a ningún andaluz nin andaluza.